free doctor ..... الدكتور .. علاء رفاعى ..

وداعا لسنوات من الذل والفقر والجهل والحرمان

السبت، 18 مارس 2006

اعدلنى يا معلم.........!!!!.
الجنس على علب السجائر الموت على علب السجائر
كل حاجة بقت ع المفتشر والحدق يفهم... .. والعجيب ان الدولة بجلالة قدرها وبالاتفاق مع شركات السجائر بتبيع الحاجة وفى نفس الوقت بتحذر الناس منها.. ..يعنى لو فيه مخلوقات من كوكب اخر بتبص علينا ح يلاقوا سكان الارض وهم يحزرون من شئ يبيعونه اكيد ح يقولوا ان الناس دى اكيد لاسعة...... لما الناس بتموت من السجاير ويجيلها سرطان . طب ما تمنعوا السجائر زى المخدرات وتقفلوا شركات السجائر استرن كومبانى وغيرها ... لما صحة الناس كده وكلاكم طيب ما الحل سهل وفى ايديكم .. لما تم ظبط واحد من اعضاء مجلس الشعب بيلعب قمار واتهمتوا الراجل بالفساد فى بلد بتلعب كلها قمار طب ليه بتسمحوا بالمراهنات وبتحمى صالات القمار وبتسمح بيها .. قال ايه عشان السياحة يقطع ام السياحة اللى جيبانا ورا.. يعنى البشوات اللى جايين يتفسحوا عندنا ويشوفوا الاهرمات ويتصوروا مع ابو الهول لازم لهم شوية مزة يعنى خمرة وقمار وبالمرة شوية نسوان لزوم السهرة يا فندية الحل سهل وبسيط .. يا نقننن الخمر والقمار ياأما نمنعه يا نفتح الشباك يا نقفله وبلاش نواربه نص فتحة.. ونتهم الناس بالشئ الذى نحميه و نسمح بيه ..وبلاش نكدب على انفسنا وندفن راسنا فى الرمال ومش كده وبس ونرفع لاموأخذة ..؟؟ لفوق..... القبض على عضو مجلس الشعب ياسر صلاح.. بتهمة لعب القمار ..اضغط هنا.وووو. اضغط هنا....

0 تعليقات:

إرسال تعليق

الاشتراك في تعليقات الرسالة [Atom]

<< الصفحة الرئيسية