free doctor ..... الدكتور .. علاء رفاعى ..

وداعا لسنوات من الذل والفقر والجهل والحرمان

الخميس، 8 مارس، 2012

كداب يا خيشة..
النائب بعدالخيبة النائب قبل الخيبة

مهما قلنا ومهما عدنا اختلاط الدين بالسياسة مصيبة وسيؤدى بنا فى ستين داهية..بعد الفتاوى الغريبة من الفتايين اياهم ..فتوى التبرك بالبول وفتوى ارضاع الكبير و فتوى زنا السلام على النساء ..... .. فوجئنا بالشيخ المنتخب من الشعب يكذب على الشعب ويدعى انه تعرض للضرب من البلطجية والحقيقة انه اجرى عملية تجميل فى وجهه..وهذا انما يدل على سؤ اختيار الشعب وان هؤلاء خدعوا الشعب بفتواهم ان اختيارهم للمجلس هو الطريق الى الجنة .. نحن نحترم الاخوان والسلفين ونضرب لهم تعظيم سلام ولكن لما المواضيع تصل بنا الى العبط والخيابة نقول لا والف لا وخليكم فى دينكم احسن .. ونتحملكم بفتواكم بدل ما نفرج علينا اللى يسوى وما يسواش وشوفوا كم واحد كان ح يدخل الاسلام وبعد ما شاف سيدنا الشيخ وهو بيكدب غير رأيه .. يا قوم حرام عليكم ضيعتم الاسلام وضيعتونا معاكم .... ..بص وشوف عم الشيخ الكداب . . .بص وشوف عم الشيخ يؤذن للصلاة اثناء الجلسة.. .. .بص وشوف عم الشيخ مش عارف ايه موضوع المناقشة.. .بص وشوف الشيخ اللى بيهرج . .وبلاوى كتيرة لا تحصى ولا تعد .


النائب السلفى على ونيس وفضيحة على الطريق مع ن.م
.مثل هؤلاء لابد ان يحاكموا بتهمة الاساءة للدين اولا ثم الاساءة للوطن ..فى البلاد اللى بتفهم الف باء سياسة بتحط شروط للناخب والمرشح ومش اى حد يخش ومش اى حد ينتخب .. وبيقسموا الناس الى شرائح من له حق الانتخاب ومن ينتظر حتى تتحقق فيه الشروط مش عيل عنده 18 سنة معاه بطاقة و لسه عايش فى دور المراهقة العاطفية واخليه ينتخب ويقرر مصير دولة .. فوقوا يا عالم...

**********
سين وجيم رياسة .. ادخل هنا

**********

0 تعليقات:

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية